Bakı. Trend:
Omsk məhkəməsi 22 azyaşlının zəhərlənməsi ilə bağlı qərar çıxarıb. Təqsirləndirilən 64 yaşlı qadın, yeməkləri hazırlayarkən sanitar-epidemioloji qaydaları pozaraq, 22 uşağın zəhərlənməsinə səbəb olub. Məhkəmə onu 6 ay müddətinə azadlığının məhdudlaşdırılması cəzasına məhkum edib.
Trend xəbər verir ki, bu barədə Omsk vilayətinin prokurorluğunun mətbuat xidməti məlumat yayıb.
2023-cü ilin iyunun 23-dən 24-dək, 22 azyaşlı təqsirləndirilən qadının hazırladığı yeməkləri qəbul etdikdən sonra xəstələnib. Bəzi uşaqların səhhətində yüngül problemlər aşkarlanıb. Məhkəmənin qərarına əsasən, qadın, RNT Norovirus genotip 2 virusunun daşıyıcısı olaraq, Kuzbassdan Omska gələn azyaşlılar üçün yeməklər hazırlayıb. Bu uşaqlar çimərlik həndbolu yarışlarının iştirakçılarıydı.
Şəhər sakini cinayəti tamamilə etiraf edib və məhkəmə tərəfindən ona azadlığının məhdudlaşdırılması cəzası verilib.