Bakı. Trend:
ABŞ-nin Çikaqo şəhərində zibil maşını partlayıb.
Trend bu barədə xarici KİV-ə istinadən xəbər verir.
Məlumata görə, Çikaqoda zibil maşını alovlanıb. Hadisə yerinə yanğınsöndürənlər və polis əməkdaşları cəlb edilib. Zibil maşını qısa müddət sonra söndürülüb. Partlayış nəticəsində iki polis əməkdaşı və bir yanğınsöndürən olmaqla, üç nəfər xəsarət alıb.
Hadisə bölgədə maddi ziyana da səbəb olub.
Qeyd edilib ki, sıxılmış təbii qazla (CNG) işləyən maşının alovlanma səbəbi hələlik məlum deyil.