Bakı. Trend:
Londonda yerləşən məşhur "Tower Bridge" körpüsü müvəqqəti olaraq nəqliyyat və piyadalar üçün bağlanıb.
Trend “Sky News”a istinadən xəbər verir ki, buna bir nəfərin körpünün üst dayaqlarından birinə çıxması səbəb olub.
Hadisə yerinə yanğınsöndürənlər cəlb edilib, xilasetmə məqsədilə nərdivan quraşdırılıb və həmin şəxslə ünsiyyət qurmağa cəhd edilib.
Təxminən iki saat sonra London polisi həmin şəxsin təhlükəsiz şəkildə yerə endiyini və körpünün qısa müddət ərzində yenidən açılacağını açıqlayıb.