Bakı. Trend:
Suriyada milli pul əsginaslarından 2024-cü ilin dekabr ayından devrilmiş prezident Bəşər Əsədin ailəsinin təsviri yığışdırılıb.
Trend bu barədə xarici KİV-ə istinadən xəbər verir.
Bunun əvəzində Suriya funtunun yeni əsginaslarında ölkənin kənd təsərrüfatını tərənnüm edən - zeytun, qızıl gül, portağal və buğda təsvirləri əksini tapır.
Yeni dizaynlı əsginasın təqdimatında Suriya Mərkəzi Bankının rəhbəri Əbd Əl Kadr Husriyə qeyd edib ki, ölkədə hazırda pul islahatı aparılır. İslahatda başlıca olaraq hazırkı 100 funta bərabər olan yeni valyuta vahidinin tətbiqi nəzərdə tutulur.
10-dan 500-ə qədər nominalda olan yeni funtlar yanvarın 1-dən etibarən tədavülə buraxılacaq.