Bakı. Trend:
Fransada Prokurorluğun kibercinayətkarlıqla mübarizə şöbəsi Avropol və Fransa polisi ilə əlaqələndirilmiş şəkildə amerikalı milyarder İlon Maska məxsus “X” sosial şəbəkəsinin Fransadakı ofislərində axtarış aparır.
Trend bu barədə xarici KİV-ə istinadən xəbər verir.
Prokurorluğun məlumatına görə, axtarış tədbirləri 2025-ci ilin yanvarında başladılmış istintaqla bağlıdır və istintaq çərçivəsində İlon Mask və “X”in keçmiş icraçı direktoru Linda Yakkarino 20 aprel tarixində dinləmələrə çağırılıblar.
Fransanın “Le Monde” qəzetinin yazdığına görə, istintaq 2022-ci ildə İlon Maskın sosial şəbəkəni satın almasından sonra X platformasında alqoritmik qərəz və idarəetməyə mümkün müdaxilə ilə bağlı qaldırılmış narahatlıqlardan sonra başlanıb.