İyunun 27-də Qazaxıstan parlamenti "İqtisadi İnkişaf üzrə Qazaxıstan-Amerika Proqramı ilə bağlı Qazaxıstan və ABŞ hökumətləri arasında Qarşılıqlı Anlayış haqqında Memorandumun ratifikasiyası haqqında" qanun qəbul edib.
Proqramın gerçəkləşdirilməsi ilə bağlı razılıq 2001-ci ilin dekabrın 21-də prezident Nursultan Nazarbayevin Birləşmiş Ştatlara rəsmi səfəri zamanı əldə olunub.
Trend "Kazakhstan today"ya istinadən xəbər verir ki, proqramın ümumi büdcəsi $40 mln. təşkil edir və 4 illlik müddətə nəzərdə tutulub. Proqram Qazaxıstan və ABŞ hökumətləri ilə birgə maliyyələşdiriləcək. ABŞ $24,5 mln., Qazaxıstan isə - $15,5 mln. verəcək.
Qarşılıqlı Anlayış haqqında memorandum 2006-cı ilin mayın 5-də Astanada imzalanıb.
Qanun dövlət başçısına imzalanmaq üçün təqdim olunub.