Azərbaycan, Bakı, 16 may /Trend, müxbir Cəmilə Əliyeva/
Böyük beynəlxalq tədbirlərin keçirilməsində Azərbaycanın artıq təcrübəsi var və ölkə Avropa Oyunlarını da gözəl təşkil edəcək. Bu barədə Trend-ə tanınmış alman ekspert Aleksandr Rar deyib.
Onun sözlərinə görə, Azərbaycan ötən tədbirlərdə özünü çox yaxşı göstərib: "Bu tədbirin keçirilməsi üçün Azərbaycanın vəsaiti və təcrübəsi var və mən heç bir problem görmürəm".
A.Rarın fikrincə, Azərbaycan nəinki Avropa, bütün dünyaya özünü nə qədər müsbət təqdim etsə, ölkənin nüfuzu da bir o qədər yaxşı olar.