Azərbaycan, Bakı, 27 mart /Trend, müxbir İ.İsabalayeva/
Mədəniyyət və Turizm Nazirliyi Qazaxıstanın Azərbaycandakı səfirliyi ilə birgə Bakıda Qazaxıstan Kinosu Günləri keçirəcək.
Trend-in çərşənbə axşamı nazirliyin saytına istinadən verdiyi məlumata görə, Qazaxıstan Kinosu Günlərinin keçirilməsində məqsəd Azərbaycan-Qazaxıstan mədəni əlaqələrini möhkəmləndirmək və Azərbaycan tamaşaçılarını qazax kinosunun nümunələri ilə tanış etməkdir. Kino günləri martın 29, 30-da və aprelin 1-də Nizami Kino Mərkəzində keçiriləcək.
Proqrama 3 bədii film daxil edilib. Kino Günlərinin açılışında tamaşaçılara rejissor Rüstəm Abdraşevin "Uşaqlığımın səması" filmi göstəriləcək. Martın 30-da Sultan-Ahməd Xodjikovun "Kız jibek", aprelin 1-də isə Slambek Tayekelin "Jeruyık" filmləri nümayiş olunacaq.