Azərbaycan, Bakı, 23 may /Trend/
Bildiyimiz kimi, iyun ayının 6,7,8-i SA Organziation-nın təçkilatçılığı, Türkiyənin Azərbaycandakı Səfirliyi və Azərbaycan Türk İş Adamları Birliyininin dəstəyi ilə Türkiyənin dünyada məhşur rəqs qrupu Anadolu Ateşi "The Best of Anadolu Ateşi" adlı konsert proqramı ilə Heydər Əliyev Sarayında yenidən səhnə alacaq. Bununla əlaqədar olaraq SA Organization duyarlı bir addım ataraq fiziki qüsurlu insanları və bir neçə məktəbin əlaçı şagirdlərini konsertə dəvət etmək və onların cəmiyyətə necə yararlı vətəndaş olduqlarını göstərmək üçün ATİB akt zalında tədbir təşkil etdi. Tədbirin məqsədi gələcəyimiz olan şagirdləri dəyərləndirmək və onları gələcək uğurları üçün həvəsləndirmək idi. Fiziki qüsurlu insanlara isə onların da bu cəmiyyətin bir parçası olduğunu və onları cəmiyyətin hər yerində görmək istədiklərini çatdırmaq idi. Tədbiri giriş sözü ilə SA Organizaton-nın rəhbəri Selahattin Atalay açdı. Zəhmət çəkib gəldikləri üçün hər kəsə təşəkkür etdi. Və bu xeyrli işdə onu daima dəstəkləyən Türkiyənin Azərbaycandakı Səfirliyinə və Azərbaycan Türk İş Adamları Birliyinə minnətrdarlığını bildirdi. Daha sonra Azərbaycan Türk İş Adamları Birliyinin müdir müavini Mehmet Sami Acarözmen bu cür sosial layihələrin tez - tez düzənlənməsini arzuladığını və ATİB-in daima onların arxasında olduğunu bildirdi. Türkiyənin Azərbaycandakı Səfirliyinin Mədəniyyət və Tanıtım müşaviri Seyih Ahmed Arslan gənclərin gələcəyimiz olduğunu və fiziki qüsurlu insanların əslində hər kəs üçün bir örnək olduğunu nəzərə çatdırdı. O bildirdi ki, əslində biz onlara var olduqları üçün təşəkkür etməli və onlardan həyatla necə mübarizə aparıldığını öyrənməliyik. Daha sonra "Duyğu" Sosail Reabilitasiya İctimai Birliyinin rəhbəri Təranə Musayeva bu xeyrli iş üçün hər kəsə təşəkkür etdi və bu cür insanların yanında olduqları üçün öz minnətdarlığını bildirdi. Şagirdlərdən bir neçəsi Azərbaycan Türk qardaşlığını anladan şeir söylədi, dəvətnamələr paylanıldı və xatirə şəkli çəkdirildi.
