Azərbaycan, Bakı, 1 noyabr /Trend, müxbir Elçin Mehdiyev/
Azərbaycanda parlament seçkilərində ən yüksək və ən aşağı seçici fəallığı qeydə alınan seçki dairələri açıqlanıb.
Trend xəbər verir ki, Mərkəzi Seçki Komissiyasının (MSK) "Seçkilər" İnformasiya Mərkəzinin rəhbəri Rüfət Gülməmmədov bildirib ki, ən yüksək seçici fəallığı 14 saylı Xəzər seçki dairəsində (81,2 faiz), ən aşağı seçici fəallığı isə 30 saylı Suraxanı birinci seçki dairəsində qeydə alınıb (36,1 faiz).
İlkin məlumata görə, Milli Məclisə seçkilərdə 2 897 188 seçici səs verib. Parlament seçkilərində seçici fəallığı 55,7 faiz təşkil edib.
Qeyd edək ki, səsvermə saat 19:00-da bitib.