...

Tərtərdə bıçaqlanan polis mayorunun durumu barədə Nazirlikdən AÇIQLAMA

Gündəm Materials 27 Dekabr 2019 11:55 (UTC +04:00)
Səhiyyə Nazirliyi Tərtər rayonunda bıçaqlanan polis əməkdaşının durumu barədə məlumat yayıb.
Tərtərdə bıçaqlanan polis mayorunun durumu barədə Nazirlikdən AÇIQLAMA

Trend-i buradan izləyin

Bakı. Trend:

Səhiyyə Nazirliyi Tərtər rayonunda bıçaqlanan polis əməkdaşının durumu barədə məlumat yayıb.

Nazirlikdən Trend-ə verilən məlumata görə, Tərtər rayonunda bıçaq xəsarətləri alaraq xəstəxanaya gətirilən polis əməkdaşına Tərtər Mərkəzi Rayon Xəstəxanasında ilkin tibbi yardım göstərildikdən sonra Bərdə Mərkəzi Rayon Xəstəxanasına göndərilib:

"Xəstəxanadan verilən məlumata görə qarın boşluğuna nüfuz edən bıçaq yaraları diaqnozu ilə xəstəxanaya çatdırılan yaralı, dərhal əməliyyat olunub. Həkimlərin səyi nəticəsində yaralının həyatını xilas etmək mümkün olub. Hazırda reanimasiya şöbəsində müalicə alan yaralının vəziyyəti ağır stabil kimi qiymətləndirilir".

Qeyd edək ki, dekabrın 26-da saat 19 radələrində, Tərtər rayonunun Buruc kəndində 1973-cü il təvəllüdlü Seyhun Nəcəfov yaşadığı evdə sərxoş vəziyyətdə qardaşı Arif Nəcəfovla mübahisə edib. Məlumat əsasında hadisə yerinə Tərtər Rayon Polis Şöbəsinin İctimai Təhlükəsizlik Bölməsinin sahə rəisi, polis mayoru Elçin Aslanov gəlib. S.Nəcəfov polis əməkdaşına 5 bıçaq zərbəsi vurub. E.Aslanov yaralı vəziyyətdə xəstəxanaya çatdırılıb.

Faktla bağlı Tərtər Rayon Prokurorluğunda Cinayət Məcəlləsinin 29, 120.2.3-cü (qəsdən adam öldürməyə cəhd) maddəsi ilə cinayət işi başlanılıb. S.Nəcəfov şübhəli şəxs qismində saxlanılıb.

Məqalədə:
Xəbər lenti

Xəbər lenti