Bakı. Trend:
Bakı metropoliteninin Xocahəsən sta siyası və Xocahəsən elektrik deposunda tikinti-quraşdırma işləri tam başa çatıb.
Trend-in məlumatına görə, bunu Bakı Metropoliteni Qapalı Səhmdar Cəmiyyətinin İdarə heyətinin sədr müavini Hidayət Məmmədov bu gün metronun 55 illiyi ilə bağlı sərgidən sonra jurnalistlərə açıqlamasında deyib.
O bildirib ki, hazırda stansiyada sınaq işləri aparılır.
"Stansiyanın ilin sonuna kimi istifadəyə verilməsi gündəmdədir. Artıq stansiya və elektrik deposunda işlər yekunlaşıb. Hazırda stansiyada sınaq-sazlama işləri aparılır, qatarların hərəkətinin təşkili son mərhələdədir. İşlər tam başa çatdırılandan sonra stansiya sərnişinlərin istifadəsinə veriləcək", - deyə o əlavə edib.