Bakı. Trend:
Qax rayonunun İlisu kəndinin və kənd ətrafındakı ərazinin kəskin şəkildə zibilləndiyi görüntüləri yayılıb.
Trend xəbər verir ki, kənd ərazisinə istirahətə gələn şəxslərin ərazini kəskin şəkildə zibillədiyi məlum olub.
Ərazidə yaşayan sakinlər də vəziyyətdən şikayətçidirlər. Onların sözlərinə görə, kimsə bir yerə zibil atır və digərləri də həmin hərəkəti təkrarlayırlar, nəticədə ərazi qısa müddətdə zibilliyə çevrilir.
İstirahətə gələn şəxslər isə yaxınlıqla zibil atmaq üçün yerlərin ayrılmadığından şikayət edirlər.
