Bakı. Trend:
Bu gün saat 7 radələrində Gəncədə Yeni qəsəbə ərazisində 1989-cu il təvəllüdlü Səbinə Abbasova öldürülüb.
Trend xəbər verir ki, araşdırmalar zamanı Səbinə Abbasovanın qardaşı Hüseyn Abbasov tərəfindən öldürüldüyü barədə əsaslı şübhələr müəyyən olunub.
Məlumata görə, yaşadığı binanın önündə öldürülən 1989-cu il təvəllüdlü Səbinə Abbasova müğənni kimi fəaliyyət göstərirmiş.
Onu qətlə yetirən Hüseyn Abbasov isə mərhumun ata bir, ana ayrı qardaşıdır.
Qeyd edək ki, faktla bağlı Kəlbəcər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Hüseyn Abbasov iş üzrə şübhəli şəxs qismində tutulub.