Azərbaycan, Bakı, 30 avqust /Trend, müxbir K.Zərbalıyeva/
Xəzər dənizinin Azərbaycana aid hissəsində zəlzələ olub.
AMEA-nın respublika Seysmoloji Xidmət Mərkəzindən bazar ertəsi Trend-ə verilən məlumata görə, avqustun 30-da yerli vaxtla 10:36-da Xəzər dənizində, Bakı şəhərindən 72 km şərqdə, zəlzələ qeydə alınıb.
Zəlzələ 3.80 maqnitudada, 50 km dərinlikdə qeydə alınıb.
Ötən gün də Xəzər dənizində - Bakı şəhərindən 155 km cənub-şərqdə zəlzələ baş verib.