Azərbaycan, Bakı, 19 yanvar /Trend, müxbir K.Zərbalıyeva/
Bakıda saxta əsginazlar hazırlayan keçmiş məhkumlar saxlanılıb.
Bakı şəhər Baş Polis İdarəsinin mətbuat xidmətindən çərşənbə günü Trend-ə verilən məlumata görə, Yasamal rayon Polis İdarəsinin Narkotiklərlə mübarizə bölməsinin əməkdaşları Bakı şəhər sakinləri Vüqar Xəlilovdan 21 ədəd 5 manatlıq və 8 ədəd 10 manatlıq saxta əsginazlar götürüblər.
Keçirilən əməliyyat tədbirləri nəticəsində onlarla birlikdə saxta əsginazları hazırlayan əvvəllər məhkum olunmuşlar - Vaqif Rəhimzadə və Elməddin İmamzadə tutulub.
Onlardan isə 1 ədəd rəngli surətçıxaran və qalaqram vurmaq üçün rəngli qələm götürülüb.
Faktla bağlı cinayət işi başlanıb, istintaq aparılır.