Göyçay rayon sakini odlu silahla özünü vurub

Azərbaycan, Bakı, 14 yanvar /Trend müxbir K.Zərbalıyeva/

Göyçay rayon sakini odlu silahla özünü vurub.

Trend-in Daxili İşlər Nazirliyinin rəsmi saytına istinadən verdiyi məlumata görə, yanvarın 13-də Göyçay rayonunun Bığır kəndi ərazisindən kənd sakini Rəvan Bəlalıyev odlu silah xəsarəti ilə xəstəxanaya gətirilib.

Araşdırmalar zamanı Bəlalıyevin qoyun otaran zaman ehtiyatsızlığı nəticəsində özünə məxsus "TOZ-25" markalı ov tüfəngdən açdığı atəşdən xəsarət alması müəyyən edilib.

Faktla bağlı araşdırma aparılır.