Azərbaycan, Bakı, 5 aprel / Trend müxbir K.Zərbalıyeva/
Azərbaycanda 3 ovçu qar uçqununa düşüb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, nazirliyin "112" qaynar telefon xəttinə daxil olmuş məlumata əsasən, Qəbələ rayonu Vəndam kəndinin 3 sakini ov etmək məqsədilə dağa gedib və geri qayıtmayıb.
Yaxınları onların qar uçqununa düşdüyünü bildiriblər.
Dərhal Fövqəladə Hallar Nazirliyinin aviasia dəstəsinin 1 helikopteri, Xüsusi Riskli Xilasetmə Xidmətinin xilasediciləri və xüsusi təlim keçmiş itlər hadisə rayonuna cəlb olunublar.
İtkin düşmüş şəxslərin axtarışları bu gün də davam etdiriləcək.
...