...

Bakı-Quba-Rusiya sərhədi magistral yolunda körpünün uçmasının ilkin səbəbləri açıqlanıb

Hadisə Materials 18 Aprel 2012 10:18 (UTC +04:00)
Nəqliyyat Nazirliyi Bakı-Quba-Rusiya sərhədi magistral yolunun 156-cı kilometrliyindəki körpünün uçmasının ilkin səbəblərini açıqlayıb.
Bakı-Quba-Rusiya sərhədi magistral yolunda körpünün uçmasının ilkin səbəbləri açıqlanıb

Azərbaycan, Bakı, 18 aprel / Trend, müxbirlər K.Zərbalıyeva, E. İsmayılov/

Nəqliyyat Nazirliyi Bakı-Quba-Rusiya sərhədi magistral yolunun 156-cı kilometrliyindəki körpünün uçmasının ilkin səbəblərini açıqlayıb.

Nazirliyin "Azəryolservis" ASC-dən Trend-ə bildirilib ki, körpünün altından keçən caydan tikinti məqsədilə istifadə olunan çay daşları və qum daşınması körpünün zədələnməsinə səbəb olub.

Qeyd edək ki, bu gecə saat 03:00-04:00 radələrində Qaraçay üzərindəki uzunluğu 90, eni 8 metr olan körpünün 15-20 metr hissəsi uçub. Bu səbəbdən yolda avtomobillərin hərəkəti dayandırılıb.

Qaraçayın üzərində yerləşən körpü uçarkən "QAZel" markalı yük maşını çaya düşüb.

Avtomobilin sürücüsü Ülfət Hüseynov ağır xəsarət alıb.

Quba rayon Polis Şöbəsindən Trend-ə bildirilib ki, körpü qəzalı vəziyyətdə olub. Son günlər rayonda yağan intensiv yağışlar və sel körpünün üçmasına səbəb olub.

Faktla bağlı araşdırma aparılır.

Xəbər lenti

Xəbər lenti