Azərbaycan, Bakı, 20 iyul /Trend müxbir K.Zərbalıyeva/
Goranboyda tikinti işləri aparılarkən uçqun olub, ölənlər var.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Goranboy rayonu, Goran qəsəbəsində fiziki şəxs tərəfindən tikinti işləri aparılan zaman uçqun baş verib.
Hadisə zamanı 2 nəfər - 1992-ci il təvəllüdlü Sahil Teymur oğlu Hüseynov və 1992-ci il təvəllüdlü Şahin Azər oğlu Kərimov uçqun altında qalaraq ölüb.
Aidiyyəti qurumlar hadisə barədə məlumatlandırılıb. Hadisə ilə əlaqədar qurumlar tərəfindən təhqiqat aparılır.