Azərbaycan, Bakı, 3 dekabr /Trend, müxbir T.Cəfərov/
İranın Kirman əyalətinin mərkəzi Kirman şəhərində Rixter cədvəli üzrə 5 bal gücündə zəlzələ baş verib. Bu barədə Trend İran televeziyasının rəsmi xəbər saytı Iribnews-a istinadən məlumat verir.
Məlumata əsasən, zəlzələ bu gün yerli vaxtla saat 16:23-də qeydə alınıb. Zəlzələ nəticəsində Kirman şəhərinin mobil rabitə xidmətində problemlər yaşanıb.
Zəlzələ güclü olduğundan əhali küçələrə axışıb. Zəlzələ nəticəsində ölən və yaralananlar barədə hələlik məlumat yoxdur.