Azərbaycan, Bakı, 29 dekabr /Trend/
Bakı polisi mobil telefon oğrularını saxlayıb.
Bakı şəhər Baş Polis İdarəsindən Trend-ə verilən məlumata görə, dekabrın 28-i saat 20:15 radələrində Q.Qarayev prospektində Bakı şəhər sakini Rövşən Heydərov Seymur Əzizovu bıçaqla hədələməklə mobil telefonunu tələb edərkən Nizami RPİ CAŞ və PPXB-nin əməkdaşları tərəfindən tutulub.
Dekabrın 28-i saat 17:10 radələrində metronun "28 May" stansiyasında əvvəllər məhkum olunmuş İlqar Mürsəlov və Vaqif Abbasov Ayla Həsənovanın cibindən mobil telefonu oğurladıqları üçün Metropolitendə Polis Şöbəsinin əməkdaşları tərəfindən tutulub.