Azərbaycan, Bakı, 24 may /Trend/
Bakıda yaşayış binasında yanğın baş verib.
Trend Fövqəladə Hallar Nazirliyinin rəsmi saytına istinadən məlumat verir ki, Bakı şəhəri, Yasamal rayonunda beşmərtəbəli yaşayış binasının 2-ci mərtəbəsinin pilləkən qəfəsində qaz sayğacı quraşdırılan zaman ani alışmadan yanğın baş verib. Nəticədə 9 ədəd qaz, 11 ədəd elektrik sayğacı, 15 p.m elektrik və antenna kabellərinin üzlüyü yanıb.
Yanğın zamanı 2 nəfər xəsarət alıb, 26 nəfər bina sakini yanğınsöndürənlər tərəfindən təxliyyə olunub.
Hadisə ilə əlaqədar müvafiq qurumlar tərəfindən təhqiqat aparılır.