Azərbaycan, Bakı, 16 sentyabr /Trend/
Pakistan polisi döyüşçülərin ölkənin cənub qərbində NATO-nun Kəraçi və Kvetta şəhərləri arasında yanacaq daşıyan sisternli avtomobil karvanına atəş açdığını bildirir. Bu barədə Trend BBC-yə istinadən məlumat verir.
Polisin nümayəndəsinin sözlərinə görə, nəticədə 15 avtomobil yanıb.
Xatırladaq ki, ötən cümə günü NATO karvanına hücum nəticəsində yanacaqla dolu 8 avtomobil yanmış, sürücülərdən biri öldürülmüşdü.
Qeyd edək ki, NATO Pakistan ərazisindən Əfqanıstandakı qoşunlarına yanacaq və digər yüklər çatdırır.