Azərbaycan, Bakı, 4 avqust /Trend, müxbir İlkin İzzət/
Azərbaycanda istirahət günləri baş verən yol qəzalarında 8 nəfər ölüb, 19 nəfər isə xəsarət alıb.
Trend-in Daxili İşlər Nazirliyinin rəsmi saytına istinadən verdiyi məlumata görə, avqustun 2-də Azərbaycanın avtomobil yollarında 7 yol-nəqliyyat hadisəsi baş verib, nəticədə 4 nəfər ölüb, 8 nəfər yaralanıb.
Avqustun 3-də Azərbaycanın avtomobil yollarında 7 yol-nəqliyyat hadisəsi baş verib, nəticədə 4 nəfər ölüb, 11 nəfər yaralanıb.