Azərbaycan, Bakı, 20 fevral /Trend, müxbir İlkin İzzət/
Beyləqan sakini Bakıda həmyerlisini avtomobillə vuraraq öldürüb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, fevralın 19-da saat 23 radələrində Qara Qarayev prospektində Beyləqan rayon sakini, 1991-ci il təvəllüdlü Ruhin Neymətov idarə etdiyi "Mercedes" markalı avtomobillə həmyerlisi, 1989-cu il təvəllüdlü Nicat Babayevi vurub.
Xəstəxanaya yerləşdirilən yaralı orada ölüb.
Faktla bağlı Nizami rayon Polis İdarəsində araşdırma aparılır.