Azərbaycan, Bakı, 22 avqust /Trend/
Cəlilabad rayonunda taxıl sahəsi yanıb.
Trend Fövqəladə Hallar Nazirliyinin saytına istinadən xəbər verir ki, Cəlilabad rayonu, Boyxanlı kəndində (rayon mərkəzindən 44 km aralı) bələdiyyəyə məxsus ərazidə 70 ha biçilmiş taxıl sahəsi yanıb.
Yaxınlıqdakı otluq sahələri yanğından mühafizə olunub.
Yanğın saat 08:18-də yanğınsöndürənlər tərəfindən söndürülüb.