Bakı. Trend:
Bu gün daha bir partlamamış hərbi sursat aşkarlanıb.
Bu barədə Trend-ə Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) məlumat verilib.
Gün ərzində Ağdam rayonu Mahrızlı kəndində əkin sahəsində 6 partlayış yerinə baxış keçirilsə də, heç bir sursat aşkarlanmayıb.
Tərtər rayonu Çaylı kəndində isə əkin sahəsində 1 ədəd partlamamış hərbi sursat (9M22U raketinin (Qrad) mühərrik hissəsi) aşkar edilərək götürülüb.
Ümumilikdə 11 iyul tarixində 2 əkin sahəsində 10 partlayış yerinə baxış keçrilib, 1 ədəd partlamamış hərbi sursat (9M22U raketinin (Qrad) mühərrik hissəsi) aşkar edilərək götürülüb. Nəticə etibarilə gün ərzində 10 500 kv.m ərazi təmizlənib.