Bakı. Trend:
Daxili İşlər Nazirliyi Gəncədəki qətl hadisəsi ilə bağlı məlumat yayıb.
Trend nazirliyin saytına istinadən xəbər verir ki, avqustun 17-də Gəncə şəhərinin Cavadxan qəsəbəsində yaşayan Məhəbbət Vəliyevanın evinə gəlmiş Samux rayon sakini, qeyri-rəsmi nikah münasibətlərində olduğu Ruslan Qurbanov ailə-məişət münaqişəsi zəminində ona və bacısı Nailəyə bıçaqla xəsarət yetirib. M.Vəliyeva hadisə yerində ölüb.
R.Qurbanov könüllü olaraq Nizami (Gəncə) RPİ-yə gələrək istintaqa təslim olub.
Araşdırma aparılır.