Bakı. Trend:
Axşam saatlarında paytaxtın Babək prospektində yol-nəqliyyat hadisəsi baş verib.
Trend-in verdiyi məlumata görə, 2 minik avtomobilinin toqquşması nəticəsində yaralıların olduğu bildirilir.
Hadisə yerinə 2 təcili yardım maşını və yol polisi cəlb edilib. Prospektin şəhər istiqamətində hərəkət hissəsində hazırda tıxac yaranıb.
Qəza törətmiş avtomobillərin ərazidən uzaqlaşdırılması üçün tədbirlər görülür.
Hadisənin səbəbləri ilə bağlı araşdırma aparılır.