...

Oğul atasını qəsdən maşınla vurub öldürüb

Hadisə Materials 16 May 2017 14:16 (UTC +04:00)
Sumqayıt şəhərində oğul doğma atasını bilərəkdən avtomobillə vurub öldürüb.
Oğul atasını qəsdən maşınla vurub öldürüb

Bakı. Trend:

Sumqayıt şəhərində oğul atasını bilərəkdən avtomobillə vurub öldürüb.

Daxili İşlər Nazirliyindən Trend-ə verilən məlumata görə, mayın 14-də saat 17 radələrində Sumqayıt şəhəri 20-ci məhəllə ərazisində müəyyən edilməmiş avtomobillə yolu keçən Şabran rayon sakini Nizami Rəsulov vurulub. Xəstəxanaya yerləşdirilən piyada orada ölüb.

DİN-in Təhlükəsiz Şəhər Xidməti və Sumqayıt ŞPİ əməkdaşları tərəfindən görülən tədbirlərlə hadisənin "VAZ-2107" markalı avtomobillə törədilməsi müəyyən edilib.

Həyata keçirilən əməliyyat-axtarış tədbirləri ilə qeyd edilən avtomobili idarə edən mərhumun oğlu Nazim Rəsulov tutulub. O, izahatında hadisəni ailə-məişət münaqişəsi zəminində qəsdən törətdiyini etiraf edib.

Faktla əlaqədar cinayət işi başlanılıb.

Məqalədə:
Xəbər lenti

Xəbər lenti