Bakı. Trend:
ABŞ-ın Ohayo ştatında baş verən tornado nəticəsində bir nəfər həlak olub, 12 nəfər yaralanıb.
Trend-in məlumatına görə, bu barədə "NBC News" telekanalı xəbər verir.
Məlumata əsasən, 68 minə yaxın yaşayış binası işıqsız qalıb.
Qeyd edək ki, tornado axşam mayın 29-u Ohayo ştatının Deyton şəhərində baş verib. Bu da ciddi dağıntılara səbəb olub, çoxlu sayda binalar işıqsız qalıb.
Xilasetmə işləri davam edir.