...

Misirdə avtobus qəzasında 12 nəfər həyatını itirdi

Hadisə Materials 5 Sentyabr 2021 04:45 (UTC +04:00)
Misirdə avtobus qəzasında 12 nəfər həyatını itirdi

Bakı. Trend:

Misirdə Şarm əş-Şeyx şəhərindən Qahirəyə gedən avtobusun qəzaya uğraması nəticəsində 12 nəfər ölüb.

Trend-in "TASS"a istinadən verdiyi məlumata görə, ölənlər arasında bir neçəuşaq var. Təxminən 40 nəfər müxtəlif dərəcəli bədən xəsarətləri alıb.

Qəza Qahirədən təxminən 100 km aralıda Süveyş yaxınlığında baş verib. Təyin olunmayan səbəblərdən sürücü idarəetməni itirib, avtobus yolda beton hasara çırpılıb və aşıb. Qəza yerinə 30-a yaxın təcili yardım maşını göndərilib.

Ümumdünya Səhiyyə Təşkilatının məlumatına əsasən, hər il Misirdə 12 min insan avtomobil qəzalarında dünyalarını dəyişirlər.

Məqalədə:
Xəbər lenti

Xəbər lenti