Ermənistan Silahlı Qüvvələri atəşkəs rejimini pozub

Azərbaycan, Bakı, 4 fevral / Trend müxbir K.Zərbalıyeva/

Ermənistan Silahlı Qüvvələri atəşkəs rejimini pozub.

Azərbaycan Müdafiə Nazirliyinin mətbuat xidmətindən Trend-ə verilən məlumata görə, Ermənistan Silahlı Qüvvələrinin bölmələri fevralın 3-də saat 18.30-dan 19.00-dək Ağdam rayonunun Cəvahirli və Tağıbəyli kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Düşmən cavab atəşi ilə susdurulub.