Azərbaycan, Bakı, 13 iyun /Trend, müxbir V.Javoronkova/
ATƏT Azərbaycan və Ermənistan qoşunlarının təmas xəttində baş verən insidentlərdən narahatdır.
Trend-in məlumatına görə, bu barədə çərşənbə günü jurnalistlərə İrlandiyanın xarici işlər naziri, Baş nazirin müavini, ATƏT-in fəaliyyətdə olan sədri Eymon Gilmor deyib.
"Şəxsən mən və ATƏT bu yaxınlarda Azərbaycan və Ermənistan qoşunlarının təmas xəttində baş vermiş insidentlərdən narahatıq. Mən insidentlərin araşdırılması mexanizminin işə düşməsini istəyirəm. Ümid edirəm ki, bu, nəticədə münaqişənin danışıqlara əsaslanan dinc yolla nizamlanmasına töhfə verəcək", - o bildirib.