Bakı. Trend:
ATƏT-in Minsk qrupunun həmsədrləri İqor Popov (Rusiya), Pyer Andryö (Fransa) və Ceyms Uorlik (ABŞ) Dağlıq Qarabağ münaqişəsinin sülh yolu ilə həllinin axtarışı istiqamətində səyləri alqışlayır. Trend-in məlumatına görə, bu barədə ATƏT-in Minsk qrupunun bəyanatında deyilir.
Qeyd olunur ki, həmsədrlər münaqişənin sülh yolu ilə həllinə tərəfdar olan hər kəslə birgə işləməyə hazırdır.
Bəyanatda bildirilir: "Biz anlayırıq ki, Avropa Şurası Parlament Assambleyası (AŞ PA) yaxın vaxtlarda münaqişə ilə bağlı qətnaməyə baxa bilər və biz AŞ PA-ya, digər regional və beynəlxalq təşkilatlara xatırlatmaq istəyirik ki, Minsk qrupu danışıqlar üçün yeganə məqbul format olaraq qalır".
O da qeyd edilir ki, ATƏT-in Minsk qrupu AŞ PA üzvlərinin maraqlarını qiymətləndirir, lakin həmsədrlər Minsk qrupunun mandatını sarsıda biləcək və ya davam edən danışıqları çətinləşdirəcək addımlardan çəkinməyə çağırır.
Xatırladaq ki, yanvarın 26-da AŞ PA-nın qış sessiyasında Ermənistan-Azərbaycan, Dağlıq Qarabağ münaqişəsi müzakirə ediləcək.
Minsk qrupu Dağlıq Qarabağ münaqişəsinin həllinin axtarışı üzrə səyləri alqışlayır (ƏLAVƏ OLUNUB)
ATƏT-in Minsk qrupunun həmsədrləri İqor Popov (Rusiya), Pyer Andryö (Fransa) və Ceyms Uorlik (ABŞ) Dağlıq Qarabağ münaqişəsinin sülh yolu ilə həllinin axtarışı istiqamətində səyləri alqışlayır.
