Bu gün Ermənistan-Azərbaycan sərhədinin İcəvan-Qazax ərazisində Azərbaycan və Ermənistanın müdafiə nazirləri Səfər Əbiyev və Serj Sarkisyanın görüşü baş tutub. Bu barədə Mediamaks agentliyinə Ermənistanın müdafiə nazirinin mətbuat katibi Seyran Şahsuvaryan məlumat verib.
O qeyd edib ki, görüş ATƏT-in Fəaliyyətdə olan sədrinin Şəxsi nümayəndəsi Anjey Kaspşikin təşəbbüsü ilə, tərəflər arasında etimadın möhkəmləndirilməsi üzrə tədbirlər kontekstində keçirilib.
"Görüş zamanı atəşkəs rejiminə aid məsələlər müzakirə olunub", - deyə Ermənistanın müdafiə nazirinin mətbuat katibi bildirib.