Azərbaycan, Bakı / Trend müxbir K.Zərbalıyeva/ Azərbaycan-Ermənistan təmas xəttində atəşkəs yenə pozulub. Ermənistan Silahlı Qüvvələrinin bölmələri iyulun 12-də saat 00.15-dən 00.30-dək Ermənistanın Noyamberyan rayonunun Voskepar kəndinin şimal-şərqində yerləşən mövqelərindən Azərbaycan Silahlı Qüvvələrinin Qazax rayonunun Əskipara kəndi yaxınlığındakı mövqelərini atəşə tutub. Müdafiə Nazirliyinin mətbuat xidmətindən cümə axşamı verilən məlumata görə, həmin gün saat 03.15-dən 06.50-dək Ermənistan Silahlı Qüvvələri Berd rayonunun Çinari kəndinin şimal-şərqində yerləşən mövqelərindən Azərbaycan Silahlı Qüvvələrinin Tovuz rayonunun Koxa Nəbi kəndi yaxınlığındakı mövqelərini avtomatlardan və pulemyotlardan atəşə tutublar.
Cavab atəşi ilə düşmən susdurulub. İtki yoxdur.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
