Azərbaycan, Bakı / Trend , müxbir E.Hüseynli/ NATO ilə Azərbaycan arasında imzalanmış fərdi proqrama uyğun olaraq, "Sülh Naminə Tərəfdaşlıq" proqramı çərçivəsində Azərbaycan hərbçilər Almaniyanın Ramştayn şəhərində "Uçuş təhlükəsizliyi" mövzusunda seminarın işinə qatılıblar, bazar ertəsi Trend ə Müdafiə Nazirliyinin mətbuat xidmətindən məlumat verilib. Tədbir sentyabrın 27-də başa çatacaq.
Azərbaycan Silahlı Qüvvələrinin əməkdaşları, həmçinin sentyabrın 25-27 tarixlərində keçiriləcək Belçikanın Mons şəhərində "NATO-nun Birləşmiş Əməliyyatlar Komandanlığı və Tərəfdaşlığın Koordinasiyası" üzrə konfransda iştirak edəcəklər. Bundan əlavə, Macarıstanın Budapeşt şəhərində "Qərargah zabitləri üçün hərbi terminologiya" kursu işinə başlayıb və Azərbaycan hərbçiləri həmin tədbirə qatılıblar.