Azərbaycan, Bakı, 11fevral / Trend , müxbir K.Zərbalıyeva/ Azərbaycan hökuməti "Dövlət orqanları tərəfindən mühafizə olunan obyektlərin Siyahısı"nı təsdiq edib.
Nazirlər Kabinetinin 7 fevral tarixli qərarı ilə "Müqavilə əsasında Dövlət Mühafizəsi ilə təmin olunmalı obyektlərin Siyahısı" qüvvədən düşmüş hesab edilib.
Dövlət orqanları tərəfindən mühafizə olunan obyektlərin siyahısına Milli Məclis, Prezidentin İcra Aparatı və Nazirlər Kabinetinin inzibati binaları və onların tabeliyində olan obyektlər, Dövlət Mühafizəsi Obyektlərinin yerləşdiyi ev və mənzillər, xüsusi nəqliyyat vasitələrinin saxlandığı yerlər, hüquq mühafizə və məhkəmə orqanlarının, onların tabeliyində olan şəhər və rayon orqanlarının inzibati binaları, mərkəzi və yerli icra hakimiyyəti orqanlarının, dövlət şirkətlərinin, mərkəzi təşkilatlarının və təsisçisi dövlət orqanları olan respublika əhəmiyyətli səhmdar cəmiyyətlərinin inzibati binaları, onların tabeliyində olan təşkilat və müəssisələr və digər dövlət müəssisələri, Mərkəzi Seçki Komissiyasının, Hesablama Palatasının, Azərbaycan Respublikasının İnsan Hüquqları üzrə Müvəkkilinin (Ombudsmanın) və Məhkəmə-Hüquq Şurasının aparatlarının inzibati binaları, Azərbaycan Respublikasında fəaliyyət göstərən xarici ölkələrin diplomatik nümayəndəlikləri və konsulluqları, Milli Bank, Beynəlxalq Bank, "Kapital Bank" Açıq Səhmdar Cəmiyyəti, onların şəhər və rayon filialları, bank xəzinələri, ödəniş məntəqələri, qiymətli kağızlar saxlanılan yerlər və valyutadəyişmə məntəqələri, pul vəsaitləri saxlanılan özəl banklar, dövlət əhəmiyyətli muzeylər, kitabxanalar, arxivlər, tarixi-mədəni və təbiət qoruqları, memarlıq kompleksləri, ixrac neft və qaz boru kəmərləri və onların infrastruktur obyektləri, silah, döyüş sursatı, partlayıcı maddə və materiallar istehsal edilən və saxlanılan obyektlər, mikrobiologiya və əczaçılıq sənayesi obyektləri, həmçinin narkotik vasitələr, zəhərli maddələr, güclü təsiredici zəhər və kimyəvi məhsullar, psixotrop maddə və preparatlar emal olunan və saxlanılan obyektlər, qiymətli metallar və qiymətli daşlar çıxarılan və saxlanılan yerlər, onların qəbulunu və satışını həyata keçirən obyektlər daxildir.
Müəlliflə əlaqə