Ukrayna, Kiyev, 20 fevral/ Trend , müxbir Z.Novosvitski/ "Xalq İttifaqı Bizim Ukrayna" (XİBU) yaxındakı qurultayında partiya rəhbərliyinin dəyişdirilməsi məsələsinə toxunula bilər. Bu barədə Trend -ə müsahibəsində Ukraynanın xalq deputatı, XİBU partiyası Şurasının üzvü Eduard Zeynalov məlumat verib.
Deputat partiya sıralarından üzvlərin çıxmasına reaksiya göstərməli olduğunu və bunun niyə baş verdiyini öyrənmək üçün, partiya daxilində araşdırma aparmaq lazım gəldiyini qeyd edib.
Fevralın 15-də XİBU-nun sıralarından Ukrayna prezidenti Katibliyinin rəhbəri Viktor Baloqa, fevralın 19-da isə, partiyanı tərk etməsi haqqında XİBU-nun daha altı üzvü bəyanat verib.
Zeynalov fevralın sonunda XİBU Şurasının iclasının, martın ikinci yarısında isə, partiyanın qurultayının baş tutacağını bildirib. Qurultayda, ola bilsin ki, kadr məsələsi nəzərdən keçiriləcək. (Bu gün XİBU-ya Vyaçeslav Kirilenko başçılıq edir)
Onun sözlərinə görə, "baş verənlər -problemdir, o cümlədən rəhbərliyin problemidir, belə ki, partiya daxilində normal münasibətlər təmin edilməyib".
Ukrayan prezidenti və eyni zamanda, XUBİ-nin fəxri sədri Viktor Yuşşenkonun partiyadakı hadisələrə reaksiya verib-verməməsi barədə suala Zeynalov cavab verib ki, "mən bu reaksiya haqqında eşitməmişəm. Mənə elə gəlir ki, Ukrayan prezidenti tamam başqa şeylərlə - qazla vəziyyət, Konstitusiya Şurası, NATO ilə məşğuldur. Yəni vaxtı üst-üstə düşən çoxsaylı məsələlər yaranıb".
Deputatın sözlərinə görə, "partiya daxilində araşdırmalarla məşğul olmaq prezidentin işi deyil". "Bu məsələ həddini keçdikdə isə, fəxri sədr işə qarışacaq və qərar qəbul ediləcək", - Zeynalov bildirib.
