Azərbaycan, Bakı,27 fevral / Trend , müxbir R.Hafizoğlu/ Türkiyə hökumətinin İraqla prezidentlər səviyyəsində danışıqldara dair təşəbbüsü Ankaradan çox, Bağdadın maraqlarına uyğundur. "İraqdakı böhran şəraitindəTürkiyə hökumətinin planlaşdırdığı görüşə Ankaradan çox, Bağdadın ehtiyacı var" - deyə,türkiyəli ekspert Fehim Taştekin Trend -a bildirib.
KİV-in fevralın 25-də verdyi məlumata görə,Türkiyə prezidenti Abdullah Gül İraqlı həmkarı Cəlal Təlabanini, Türk ordusunun İraqın şimalında PKK terrorçularına qarşı aparılan hərbi əməliyyatları müzakirə etmək üçün Ankaraya dəvət edib.
Taştekinin fikrincə, İraq prezidentinin rəsmi dəvəti qəbul edərək, Ankaraya səfər etməsi bir çox problemləri həll edə bilər.Türkiyənin keçmiş prezidenti Əhməd Necdet Sezərin İraq rəsmiləri və kürd liderləri ilə dialoqa getməməsi regionda böhranı daha da gərginləşdirib-deyə, Türkiyənin "Radikal" qəzetinin analitikı Taştekin çərşənbə günü İstanbuldan elektron poçt vasitəsilə Trend -a bildirib.
Ekspert hesab edir ki, hazırki İraq prezidenti Təlabani və Şİraqın şimalında kürd idarəçiliyinin rəhbəri Məsud Bərzani Səddam hakimiyyəti zamanı ölkə hüdudlarından kənarda Türkiyənin dəstəyi və pasportu ilə fəaliyyət göstərirdi. "Türkiyə hökuməti Təlabanini Ankaraya dəvət etməklə, İraqın şimalında keçirilən hərbi əməliyyatların İraq höküməti ilə dialoq və razılışma şəraitində keçirildiyini dünya ictimaiyyətinə çatdırmaq istəyir" - deyə, Taştekin vurğulayıb.
Ekspertin fikrincə, İraq hökumətinin Türkiyədən, ölkənin şimalındakı hərbi əməliyyatlarıdayandıraraq, qoşunlarını çıxarmağı tələb etməsi mənasızdır. "Keçirilən hərbi əməliyyatları ABŞ dəstəklədikdən sonra, nəinki kürdlərin idarəçiliyi olan şimalda, hətta Bağdadda da heç bir nüfuzu olmayan İraq hökumətinin etirazının mənası yoxdur " - deyə, o qeyd edib.
İraqlı ekspert Abdulla əl-Cuburi də hesab edir ki, hazırki dialoq ən çox İraq hökumətinə lazımdır.
" Təlabaninin Türkiyənin rəsmi dəvətinin qəbul edərək Ankaraya gedəcəyinə inanmıram"-deyə, Almaniyada fəaliyyət göstərən "Al-İraq Prees" Agentliyinin direktoru əl-Cuburi çərşənbə günü telefonla Trend -a bildirib.
Onun fikrincə, İraq rəsmilərinin böyük bir qismi kürdlərin təsiri altındadır və PKK problemini həll etmək istəyində deyil. "Əslində, İraq hökuməti PKK probleminin həlli istiqamətində, Türkiyə hökuməti ilə əməkdaşlıq etməlidir. Çünki İraq və Türkiyə sərhədlərində yeni kürd dövlətinin yaranması regionun stabilliyini təhlükə altına sala bilər"-deyə o qeyd edib.Türkiyənin Baş naziri Rəcəb Tayyib Ərdoğan fevralın 23-dən etibarən, Türk ordusunun İraqın şimalındakı genişmiqyaslı hərbi əməliyyatlarda, ölkəsinin İraqın şimalını işğal etmək deyil, PKK terrorçularına qarşı qələbə əldə edənədək mübarizə aparmaq istəyindən irəli gəldiyini bildirib. İraq hökumətinin verdiyi rəsmi açıqlamada, Türk ordusunun İraqın şimalında apardığı hərbi əməliyyatların İraqın müstəqilliyinə təhlükə olduğu bəyan edilir və ordunun İraq ərazisindən tez bir zamanda çıxarılması tələb olunub.
PKK terrorçuları 1984-cü ildən etibarən, Türkiyənin cənub-qərbində müstəqil kürd dövlətinin yaradıllması üçün silahlı mübərizə aparırlar.