Azərbaycan, Bakı, 07 mart/ Trend Azərbaycanın müdafiə naziri general-polkovnik Səfər Əbiyev cümə günü NATO Baş Katibinin Cənubi Qafqaz və Mərkəzi Asiya üzrə xüsusi nümayəndəsi cənab Robert Simmonsu qəbul edib. Bu barədə Müdafiə nazirliyinin mətbuat xidmətindən Trend a bildirilib. Nazir Cənubi Qafqaz regionunda mövcud hərbi-siyasi vəziyyətə toxunaraq, Dağlıq Qarabağ münaqişəsinin dinc yolla həllinə maneələr yaradılmasının bölgədəki vəziyyətin daha da gərginləşməsinə xidmət etdiyini deyib.Görüşdə Azərbaycan-NATO əlaqələrinin perspektivləri və maraq doğuran digər məsələlər ətrafında fikir mübadiləsi aparılıb.