...

Azərbaycanın cənub bölgəsində müxalifət partiyaları seçki komissiyalarında monitorinq aparıb

Siyasət Materials 1 Aprel 2008 11:38 (UTC +04:00)

Azərbaycan, Lənkəran, 01 aprel / Trend ", müxbir P.Əliyeva/ Müxalif Müsavat, Xalq Cəbhəsi və Açıq Cəmiyyət partiyalarının Lənkəran şəhər təşkilatları prezident seçkisi zamanı baş verə biləcək qanun pozuntularına qarşı birgə mübarizə aparmaq üçün qərar qəbul edib. Trend "un bölgə müxbirinin məlumatına görə, üç partiya birgə mübarizə ilə bağlı "Vahid İnformasiya Mərkəzi" yaradıb və seçki dairələrində ilk monitorinqini aparıb.

Azərbaycanda prezident seçkisi oktyabrda keçiriləcək.

Mərkəz monitorinqin nəticələrinə dair yaydığı bəyanatda bildirib ki, 73 saylı Lənkəran şəhər, 74 saylı Lənkəran kənd, 75 saylı Lənkəran-Masallı və 76 saylı Lənkəran-Astara seçki dairələrinin müxtəlif seçki məntəqələrində aparılan monitorinq zamanı seçici siyahıları ilə tanış olunmasına icazə verilməyib.

Məntəqələrin əksəriyyətində seçki komissiyalarının üzvlərinə rast gəlinməyib. Digər məntəqələrdə isə seçici siyahıları ilə tanış olmaq üçün Dairə Seçki Komissiyalarına müraciət etmək təklif olunub.

Müsavat, Azərbaycan Xalq Cəbhəsi və Açıq Cəmiyyət partiyalarının Lənkəran təşkilatları bəyanatlarında DSK rəhbərlərindən seçici siyahıları ilə tanış olmaq üçün istər vətəndaşlara, istərsə də partiyalara normal şərait yaradılmasını tələb edib.

Lənkəran paytaxt Bakıdan 270 kilometr cənubda yerləşir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti