Azərbaycan, Gəncə, 21 aprel / Trend , müxbir V. Məmmədov/ Gəncədə bu il törədilən cinayətlərin açılması halları ötən illə müqayisədə 6 faiz artıb. Bu barədə bazar ertəsi Gəncə şəhər Polis İdarəsində birinci rübün yekunlarına həsr olunan tədbirdə idarənin rəisi Rasim Musayev bildirib.
Bu ilin 3 ayı ərzində Gəncədə 190 cinayət hadisəsi törədilib ki, onlardan 181-nin (95, 3 faizi) üstü açılıb. Baş verən cinayətlərin 50-si qeyri-aşkar şəraitdə, 3-ü xarici ölkə vətəndaşları, 17-si qadınlar,14 ü yetkinlik yaşına catmayan, 28 nəfəri əvvələr məhkum olunanlar tərəfindən, digər hadisələr isə sərxoş vəziyyətdə törədilib.
Ötən ilin eyni dövründə cinayətlərin açılma faizi 89, 5 faiz olub.
Musayev deyib ki, bu ilin 3 ayı ərzində 36 oğurluq hadisəsi baş verib və onların hamısının üstü açılıb. Hesabat dövründə Gəncə polisi 6 kq narkotik maddəni dövriyyədən çıxarıb ki, bu da ötən ilin müvafiq dövrü ilə müqayisədə 2 dəfə çoxdur.
Bu il Gəncə şəhər Polis İdarəsində 1 830 şikayətçi qəbul olunub.
Gəncə paytaxt Bakıdan 365 kilometr qərbdə yerləşir.
Məqalə müəllifi ilə əlaqə ünvanı: [email protected]