Azərbaycan, Gəncə, 25 aprel / Trend , müxbir V.Məmmədov/ Bu il Gəncədə 5 aptekin fəaliyyəti dayandırılıb.
Bu barədə cümə günü Trend a məlumat verən Gəncə şəhər Gigiyena və Epidemiologiya Mərkəzinin şöbə müdiri Fazil Nəbiyevin sözlərinə görə, həmin apteklər Dərman Vasitələrinin Analitik Ekspertiza Mərkəzinin Dərmanların Keyfiyyətinə Nəzarət şöbəsinin Qərb regional bölməsi tərəfindən yoxlanılıb və onların bağlanılması üçün Mərkəzə müraciət olunub.
Nəbiyev apteklərdə ciddi yoxlamalar aparıldığını bildirib və əlavə edib ki, 2007-ci ildə Mərkəz tərəfindən cərimələnən obyektlərin əksəriyyti apteklər olub. Apteklər sanitar gigiyenik şərait pis olduğuna və qeydiyyatsız fəaliyyət göstərdiyinə görə bağlanılıb.
Nəbiyevin sözlərinə görə, bu il Gəncədə fəaliyyət göstərən apteklərin əksəriyyətinin qeydiyyat müddəti sona çatır.
Gəncədə 70 aptek fəaliyyət göstərir ki, onlardan da 30-u dövlət, 40-ı isə özəl aptekdir.
Məqalənin müəllifi ilə [email protected] ünvanı ilə əlaqə saxlaya bilərsiniz
