Türkiyə, Ankara, 03 iyun / Trend , müxbir T.Əliyev/ Türkiyənin Baş naziri Rəcəb Tayyib Ərdoğanın bu gün Naxçıvan Muxtar Respublikasına səfəri başlayır. Bu barədə Trend -a Azərbaycanın Türkiyədəki səfirliyindən məlumat verilib.
Ərdoğanın axşam saatlarında Naxçıvana çatacağı gözlənilir. Sabah səhər isə Naxçıvan MR Ali Məclisində Türkiyə Baş nazirinin rəsmi qarşılanma mərasimi olacaq. Daha sonra birgə mətbuat konfransı keçiriləcək.
Ərdoğan Naxçıvanda ümummilli lider Heydər Əliyevin abidəsini ziyarət edəcək. Baş nazir həmçinin "Düzdağ" Oteli və Fizioterapiya Mərkəzinin açılış mərasimində də iştirak edəcək.
Sabah axşam saatlarında Ərdoğanın Ankaraya dönməsi nəzərdə tutulur.
Məqalə müəllifi ilə əlaqə saxlamaq üçün elektron ünvan [email protected]
