Azərbaycan, Bakı, 10 iyun/ Trend , müxbir E.Tariverdiyeva/ ABŞ Demokratlar Partiyasının Hillari Klintonu Obamanın gələcək administrasiyasında vitse-prezident vəzifəsinə iddaçı kimi görmək istməməsinin mümkün səbəblərindən biri həyat yoldaşının, eks prezident Bill Klintonun ona təsiri ola bilər. "Senator Klinton, əsasən, keçmiş prezident Klinton tərəfindən Obamanın kampaniyasının rəhbərliyinə müdaxilə qorxusuna görə çətin ki, vitse-prezidentliyə namizəd olsun", - seçkilər üzrə Amerika eksperti Keri Kovinqton (Cary R. Covington). hesab edir.
Bir qrup qanunverici demokratla gizli söbhətində Klinton bildirib ki, o bunun demokratların noyabrda keçiriləcək seçkilərdə qələbə qazanmaları üçün lazım olduğu halda Obamanın administrasiyasında ABŞ vitse-prezidenti olmaq imkanlarının nəzərdən keçirilməsinə "açıqdır". Bu barədə çərşənbə axşamı Assoşieyted Press informasiya agentliyi məlumat verib.
"Sabiq prezident Klintonun Obamanın prezident kampaniyası üçün donorlar haqqında vacib informasiyanı açıqlamağı arzu etməməsi, Obamanın kampaniyasına mənfi təsir göstərəcək", - Ayova Universitetinin (ABŞ) siyasət şöbəsinin direktoru Kovinqton çərşənb axşamı elektron poçtla Trend -a bildirib.
Ekspertin rəyinə görə, prezident Obama və vitse-prezident Klinton cütlüyü digər vitse-prezidentlərlə variasiyadan yaxşı deyil. Politoloq hesab edir ki, senator Obamanın əsas vəzifəsi Amerika seçicilərini terrorizm təhlükəsinə qarşı milli təhlükəsizliyin müdafiəsini ona etibar etməyin mümkünlüyünə inandırmaqdır.
Hillari Klinton ABŞ Demokratlar Partiyasından vahid namizəd yeri uğrunda mübarizədə məğlub olduqdan sonra, onun administrasiyasında baş vəzifəyə ümidlə öz rəqibi Barak Obamanı dəstəkləyib. Lakin, az adam belə sonluğa inanır.
"Mən inanmıram ki, Obama öz administrasiyası üçün Hillari Klintonu vitse-prezident qismində seçəcək. Hillarinin keçmişdən çox böyük baqajı, o cümlədən həyat yoldaşı, ABŞ-ın keçmiş prezidenti Bill Klinton mövcuddur", - Amerikanın seçkilər üzrə eksperti Bert Rokman (Bert A. Rockman) hesab edir.
Ekspertin rəyinə görə, Obamanın özünə vitse-prezident seçə biləcəyi istedadlı namizədi çoxdur. Ekspert güman edir ki, administrasiyada ən yüksək vəzifəni anna xətti ilə latın amerikalı olan (anası meksikalıdır) Nyu-Meksikonun qubernatoru, keçmiş kabinet üzrə və ABŞ-ın BMT-də səfiri və keçmiş Konqres üzvü Bill Riçardson tuta bilər.
"Bundan əlavə, Reyqan administrasiyasında keçmiş hərbi-dəniz katibi kimi, dəniz korpusunun zabiti və öz oğlu ilə birlikdə hərbi əməliyyatlar zonasında çalışan bir insan kimi Virciniya senatoru Ceyms Uebb də Obama adminstrasiyası üçün bacarıqlı namizəddir", - Padui Universitetinin (ABŞ) siyasi elmlər professoru Rokman çərşənbə axşamı elektron poçtla Trend -a bildirib.
Politoloqun sözlərinə görə, uzun müddət Konnektikut ştatından senator olan, çox təcrübəli, bilikli və ispan dilində sərbəst şəkildə danışan Kristofer Dodd digər perspektivdir.
"Dördüncü namizəd Pensilvaniya qubernatoru, Filadelfiyanın keçmiş meri Edvard Rendelldir. O, yəhudidir. Obamaya isə, xüsusilə də seçicilərin beş faizinin yəhudilər olduğu Floriada onların dəstəyi lazımdır. O, da eyni dərəcədə barışmaz, Obama kimi çevikdir. O, kütlənin siyasətçisidir və Klintonun güclü tərəfdarı olub. Bu, Klintonun kompromis qanadı ola bilər", - Rokman söyləyib.
Ekspertin rəyinə görə, növbəti prezident böyük problemlərlə üzləşəcək. Onlardan bəziləri hazırki administrasiyanın apardığı siyasətin - və ya bu siyasətin olmamasının nəticəsidir. "Digər bərabər şəratidə, seçkilərdəki hazırki vəziyyət Obamanın xeyrinədir. Rəhbərliyə gəldikdə isə, bu, Konqresə seçkilərin yekunlarından, həmçinin, prezident seçkilərindən asılıdır. Mən gözləyirəm ki, demokratlar Konqresin hər iki palatasında əlavə yerlər alacaqlar. Lakin nə qədər yer alacaqları məlum deyil", - Rokman hesab edir.
Ekspertin rəyinə görə, ABŞ-ın siyasi sistemi böyük dəyişiklikləri asan keçirmir və ya gələcəyi yaxşı görə bilmir. "Beləliklə, istənilən namizəd uğurlu ola bilər. Bu onların nə istədiklərindən asılıdır. Düşünmürəm ki, Hillari Klinton bu tənliyin bir hissəsidir", - politoloq əlavə edib.
Səkkiz il respublikaçıların idarəsini yaşamış demokratların seçicilərə qeyri-adi afroamerikalı prezident və qadın vitse-prezident cütlüyünü təklif edərək, seçicilərin səsləri ilə risk edib-etməyəcəkləri məsələsi açıq qalır.
Amerikanın seçkilər üzrə eksperti Çarlz Henri (Charles Henry) hesab edir ki, Hillari Klintonun vitse-prezidentliyə 50 faizdən az şansı var. "İki əsas səbəb mövcuddur. Əvvəla, Bill Klinton, Hillari vitse-prezident olduğu halda, kampaniyanın gedişində mənfi faktor rolunu oynayacaq. İkincisi, bu, seçicilər üçün ikiqat gözlənilməz olacaq - bir tərəfdən, afroamerikalı prezident, digər tərəfdən isə qadın vitse-prezident", - Berkli Universitetinin (ABŞ) professoru Çarlz Henri (Charles Henry) çərşənbə axşamı elektron poçtla Trend -a bildirib. Onun rəyinə görə, seçicilərin əksəriyyəti üçün belə qeyri-adicütlüyü qəbul etmək ikiqat çətin olacaq.
Öz partiyasından namizədlik uğrunda uzun mübarizədən sonra, ötən cümə Hillari Klinton rəsmi olaraq mübarizəni dayandırdığını bəyan edib. Demokrat senator və ABŞ-ın keçmiş birinci xanımı prezident yarışını dayandırmaq barədə qərar qəbul edib.
Klinton öz qərarı barədə rəsmi bəyanatla cümə günü Vaşinqtonda çıxış edib və eyni zamanda, demokratların prezident yarışında lideri Barak Obamanın ABŞ prezidenti vəzifəsinə namizədliyini dəstəklədiyini elan edib.
Müəlliflə əlaqə saxlamaq üçün elektron ünvan: [email protected]
