Azərbaycan, Bakı, 03 iyul / Trend , müxbir E.Hüseynli/ Rusiya prezidenti Dmitri Medvedyev, Azərbaycana səfəri çərçivəsində, ölkəmizdə fəaliyyət göstərən dini icmaların rəhbərləri ilə görüşüb.
"Bu görüş Azərbaycanda müxtəlif dinlər arasındakı dostluğun göstəricisidir" - deyə Rusiya prezidenti cümə axşamı Bakıda dini icmaların nümayəndələri ilə görüşündə bildirib.
O, qeyd edib ki, Azərbaycanda müxtəlif dinlərə mənsub insanlara münasibət yüksək səviyyədir, ümumiyyətlə isə, Qafqazdakı sabitlik baxımından dinlərarası münasibət əsas amildir. "Rusiyada 20 milyon m?səlman yaşayır. Bu da onu g?stərir ki, biz m?səlman d?nyasının bir hissəsiyik" - deyə o qeyd edib.
Azərbaycanın bütün dünyada tolerant ölkə kimi tanındığını deyən Medvedyev onu da vurğulayıb ki, ölkəmiz bu sahədə əldə etdiyi uğurlarla tam öyünə bilər. Belə ki, Azərbaycanda müxtəlif dinləri təmsil edən liderlər arasındakı səmimi münasibət məmnunluq doğurur.
Rusiyada da müxtəlif dinləri təmsil edə insanlara böyük hörmətin və diqqətin olduğunu bidirən dövlət başçısı qeyd edib ki, Rusiya hökuməti müxtəlif dini icmaların hüquqlarını yüksək səviyyədə qoruyur. Rusiya prezidenti Bakıda prezident İlham Əliyevlə keçirdiyi görüşü və aparılan danışıqları uğurlu adlandırıb. Terrorizmlə mübarizə və digər məsələlər barədə müzakirələrin faydalı olduğunu deyib.
Bütün Qafqazın Şeyxi Hacı Allahşükür Paşazadə Rusiya ilə Azərbaycan arasında əlaqələrin inkişaf etdiyini, siyasi dialoqun yüksək səviyyədə olduğunu deyib. Bildirib ki, ölkəmizdəki dini icmaların liderləri dinlərarası dialoqa töhfə verir və 200 9- cu ildə dinlərarası dialoqa həsr olunan konfransın Bakıda keçirilməsi qərara alınıb.
Qeyd edək ki, Dini Liderlərin Birinci Ümumdünya Sammiti 2006 - cı ilin iyulunda Moskvada keçirilib.
Məqalə müəllifi ilə əlaqə saxlamaq üçün elektron ünvan [email protected]