...

Uzun müddətdir axtarışda olan azərbaycanlı Rusiyada saxlanılıb

Siyasət Materials 25 İyul 2008 13:55 (UTC +04:00)

Azərbaycan, Gəncə, 25 iyul / Trend , müxbir V. Məmmədov/ Gəncə polisi uzun müddətdir beynəlxalq axtarışda olan cinayətkarı Rusiyada həbs edib.

Gəncə şəhər Polis İdarəsinin rəis köməkçisi Yaşar İsmayılov Trend -a bildirib ki, iyulun 24-də Gəncə şəhər Kəpəz rayon polis şöbəsinin əməkdaşları Rusiya Federasiyasının daxili işlər şöbəsinin əməkdaşları ilə birgə keçirdikləri əməliyyat axtarış tədbirləri nəticəsində 31 yaşlı Gəncə şəhər sakini Sənan Mehman oğlu Məhərrəmovu Moskvada saxlayıb.

Məhərrəmov 14 aprel 2006-cı ildən dövlətlərarası axarışda olub və Cinayət Məcəlləsinin xeyli miqdarda ziyan vurmaqla dələduzluq törətmək (178.2.4) maddəsi ilə təqsirləndirilir.

İsmayılov bildirib ki, Məhərrəmov hazırda Moskvada müvəqqəti saxlama təcridxanasında saxlanılır və onun Azərbaycana ekstradisiya edilməsi üçün müvafiq sənədlər hazırlanır.

Polis İdarəsinin rəsmisi deyib ki, Gəncə şəhər Polis İdarəsində istintaqdan gizlənmiş 170 nəfər axtarışda olub və onlardan 108-i tapılaraq istintaqa təhvil verilib.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti